Treno-de-serp(-queirado)
Sicyos angulatus
Cucurbitaceae
Nom en français : Concombre anguleux.
Descripcioun :Aquesto planto, que nous vèn dis Americo de l'uba, s'atrovo au nostre, pèr lou moumen, soulamen dins la valado dóu Rose fin qu'à la mar. Trachis dins li fourèst de ribo d'aigo (ripisilvo) ounte, à la fin de l'estiéu, cuerb tout lou sòu coume un lincèu emé si gràndi fueio de 6 à 20 cm. Li flour masclo dounon d'èr à li de la briouino alor que li flour femello soun en group, mai pichoto (4 mm) e pu claro. Lou fru, en amelo, èi cubert d'espino.
Usanço :Li fueio de treno-de-serp-queirado soun manjadisso cuecho coume de liume. Se dis que lou fru pòu èstre manja peréu. Li fueio soun estado utilisado en Americo pèr sougna li "mau di femo" (malautié veneriano).
Port : Liano
Taio : 2 à 10 m
Fueio : óupousado
Tipe bioulougico : Teroufite
Cicle bioulougico : Planto de l'an
Gènre : Sicyos
Famiho : Cucurbitaceae
Coulour de la flour :
Verdo
Petalo : 5
Ø (o loungour) flour : 1 cm
Flourido :
Estiéu - Autouno
Sòu : Ca
Autour basso e auto :
Pancaro entresigna
Aparado : Noun
Remarco : Planto envahissènto
Liò : Ribiero
- Escoumbre e proche dis oustau
Estànci : Termoumediterran à Mesoumediterran
Couroulougi : Óurigino Americo-Nord
Ref. sc. : Sicyos angulatus L., 1753
Maneto(-verdo)
Dactylorhiza viridis
Orchidaceae
Noms en français : Orchis vert
, Orchis grenouille.
Descripcioun :Maneto que se rescontro pulèu dins li prado de mountagno. Pòu èstre mai o mens verdo o un pau rouginello. La longo petalo de davans (labreto) s'acabo emé tres dènt emé uno pu mistoulino au mitan.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai (acuei).
Port : Erbo
Taio : 5 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo
Gènre : Dactylorhiza
Famiho : Orchidaceae
Ordre : Aspargales
Coulour de la flour :
Verdo
Petalo : irreguliero
Ø (o loungour) flour : Pancaro entresigna
Flourido :
Estiéu
Sòu : Ca
Autour basso e auto : 300 à 2400 m
Aparado : Noun
Liò : Pelouso
- Prado umido
- Bos clar
Estànci : Coulinen à Aupen
Couroulougi : Bourealo
Ref. sc. : Dactylorhiza viridis (L.) R.M.Bateman, Pridgeon & M.W.Chase, 1997
(= Coeloglossum viride (L.) Hartm., 1820 )